Вуна гайи марвардин цуьк,
Агь, кьурана! - кьелеч1 хьана...
Ам акваз зи т1ар жезва рик1 -
Вилерик ква вун дат1ана
Чидачир пар тирди залан,
Амукьун зи кьулухъ гатфар!
Тафтардин юкьва ава ам
Гила эсер - шагьид-марвар...
Рик1 дарих яз ишедайла,
Къелемдал элкъведа ц1арар ...
Вахъ хиялрай къекъведайла,
Гъиле кьада кьурай марвар.
Пак гьиссерин вафалу дуст -
К1анивилин ярш - чи марвар!
Ви атирди ийида суст,
Гуьруьшдиз атайла гатфар...
05.01.2018