***
Гъетерин ц1ар чк1ай цава
Секинзава варз -
Вунни тамаш ви пенжеррай.
За т1вар кьуна, ви багьа т1вар,
Лугьузва вацраз:
Фад ша лугьуз ваз эверрай.
Беневшайрал чиг аламаз
К1ан хьайи гада,
Фад акъатна уьмуьрдин март.
Гатун чуьллер цуькведамаз
Хъел хьайи гада,
Вучиз хьанач ви рик1 жумарт?
Кьакьан рагал тек къавахди
Хразва мад киф
Нурарикай магьид регъ гваз.
Вун рик1еваз экв жедалди
Акъатна зи йиф -
Жагъаначни к1валин рехъ ваз?