Гувнашт1а юкъе, эггар хозача мехка,
Дегг1оз хина улаш я са юрт.
Б1аьрг ма кхоача гувнаш - лоха, лаккха...
Шоана ховре мел хоз да цун сурт!
Са юртара з1амига - доаккха тейпаш
Шойла дашаш, барт а болаш дах.
Цудухь царна хетаю аз бейташ;
Даим ишта дахалда шо, Нах!
Ачалкхе, хьо буоча я сона ч1оаг1а,
Хьох дуккха къаьста лийналга дий а хац.
Хьо йицъенна-м лийна вац со ц1аккха,
Хьа коа ваьхар хьоца къоастлургвац!
Дуккха юрташ ейний сона хьалха,
Дайзад сона дуккха адамаш.
Бакъда цу хана хетар сона се цхьалха,
Хьанза-м хьоца со дуненах ваш!!!
2000.