Маьлхал сийрдаг1а, беттала хозаг1а
Ба вей мехка мехкарий
Лораду цар къонахашта нийса
Г1алг1ай къаман сий
Ба уж лакха хьакъал долаш
Долаш керчу ховха дог
Эздел доацаш ловзац цара
Лаьтта ловзаш бола ког
Лайна а бале а дунен бала
Уж-м бийха хьийза бац
Денал денад царна Дала
З1ехьа б1аьргаш дилха дац
Моцал-хьогал фуд хац царна,
Ноанал т1еххьа лоатадаьд
Хаьнал шу а, аьлий санна,
Хаьша ц1аг1а увтадаьд
Цудухь вей мохк хозлуш латта
Тоабеш йи1ий хозало
Маьтлоам мехка ха деш латта
Г1алг1ай сийлахь салте мо
Буро, Шолжа, Маг1албике,
Тайна Нана-Наьсаре
Элдарха а г1ала, Магас,
Хьара сийлахь г1алг1ай пхье
Шуца хетта ц1ераш йоахаш
Хеташ мерза, безаме,
Берриг Даймохк чу а лоацаш
Оал вей Нана Наьначе!
Д1айхача дийнахь эшаш санна
Хьастар хьаь1а ц1ена хий
Къонахошта эш ма болба
Г1алг1ай мехка мехкарий!