Агь, гатун йиф! Туькьуьл ниэр явшандин,
Камари хьиз, алмасрава вац1ун ч1ул,
Тек къавахди, к1ук1 хкажна явашдиз,
Цавун пата экъуьрзава "псид кул".
Зун пенжерда акатнава фикиррик,
Вацра яйлух эк1яйна зи къужахра:
Ярдиз савкьват ийизва за шииррин,
Амма за ваъ, шагьварди ам хутахрай.
Вун вуж патал умун я къе, гатун йиф,
Ярдин т1варни кхьидайа чинеба?
Гар, ялгъуздиз туна вичин лацу циф,
Зи хурудал секин жезва,гьиллебаз...