Ч1ал ава захъ зун зи халкьдив агудай
Ч1ал ава захъ фит1инна за , дидед хурай акъудай.
Ч1ал ава захъ эссиралди , чи бубаяр рахай ч1ал
Ч1ал ава захъ , лув гуз жедай чун лекьер я, лагьай ч1ал.
Ч1ал ава захъ , гьар легьзеда зи гуьгъуьна къекъвей ч1ал.
Ч1ал хуьда за , зи дидеди, зи кьеп1иниз вегьей ч1ал.
Ч1ал багьа я, эдебби яз , закай лезги авур ч1ал.
Ч1ал гьава я, нефес къачур ч1авалай, заз акур ч1ал.
Зун гъавурда турди , ч1ал я , вири маса ч1аларин.
Тафаватвал къалурайди , писни-хъсан гьаларин.
Амач диде заз ч1ал чирай, ч1ал гума зав дидедин.
За хуьда ам , магьшур ийиз , кьуд пип1ени дуьньядин!