Ц!айлапандин ц1елхем хьурай шиирда,
Вун Шагь , зунни СЕлем хьурай уьмуьрда.
Зун тухардай хуш ем хьурай , фикирда
Ак1 тахьайт1а , уьмуьрни заз герек туш.
Къайгъу авач зу тек я , к1вал ич1и я.
Ана заз ваъ, гъейри касдиз мич1и я.
Мана квачир гафарин къен пич1и я
Пис хиялрин фикирни , заз герек туш.
Уф гудайла руквадиз на винера,
Чир хьанач ваз гьатдайди зи вилера.
Сабурдин дувулар туькьуьл ят1ани,
Емишар ширинбур жеда хилера.
Нубатсуз рахун зу шаддай кар жедач
Рик1е хер тахьайла нвагъни вилерал.
Вун кисайт1а сивевай мез т1ар жедач
Къачумир дердияр на , ви гъилерал.
Буьркьуьдавай дуьз рехъ чириз фейи кас.
Раб авачиз, гъалар к1вале хвейи кас.
Буьркьуьдалайни буьркьуь я дуьньяда
Вилик квай зат1, ам такваз к1ан хьайи кас.
Вац1 акъвазнай , авахьайбур ятар я
Зун гьа зу я алатайбур вахтар я.
Йисаралди тан зайиф жез, рик1 лигим
Вун шад авур , зун МАРВАРДИН са тар я.