Зулу тунва гарун хура , пешер тарарин.
Къайда ялда , вичин сефил рик1ин, гьаларин.
Экуьн кьиляй чигедивни вегьез тваз ст1ал.
Вахтуникай хъел атайла акъудзава къал.
Гагь гьарайиз накъварикай ийизва селлер.
Мекьи хьунвай чими беден, зул жезва бетер.
Вири санал, авай девлет акъатай гъиляй
Ажугъ ава , зулун чанда , кесиб хьайвиляй.
Эхиримжи храй гамни тухвана селди.
Зулу битмиш авур бегьер тарашна элди.
Гьикьван хьурай , хъел къведачни
Ик1 хьайла зулуз.
Кьев хьиз кьилел кьуьдни къведа
Квахь ! Инай лугьуз.