Гзаф хьанва акьул кьери инсанар,
Чеб инсанриз ухшар авай гьайванар.
Ризкьи тегъиз гишил тазвай хзанар,
Ихьтин тимдиз "вун итим я" гьикl лугьун?
Салам гана за адав гъил гьикl вугун?
Чара папаз вил ахъайна килигдай,
Вичин паб лап салам гайдав гилигдай,
Гаф лагьайла хзандал лаш илигдай,
Ихьтин тимдиз "вун итим я" гьикl лугьун?
Салам гана за адав гъил гьикl вугун?
Акьул авай итим хьайла хзанда,
А килфетдиз гьуьрмет жеда ватанда.
Ахмакь касди вичин кlвализ душманда,
Ихьтин тимдиз "вун итим я" гьикl лугьун?
Салам гана за адав гъил гьикl вугун?
Вичин пак паб буьркьуь киф хьиз аквадай,
Виридалай даим гзаф рахадай,
Вичи-вич лап гьисабдай са хахадай,
Ихьтин итимдиз "итим я" гьикl лугьун?
Салам гана за адав гъил гьикl вугун?
Гьич итим туш к1валах авун дакlанди,
Темпел итим туна хъфин я папанди...