Циф аламач вили цавал
Йикъар я чими.
Самур вац1у вичин ятар
Авунва михьи.
Кьер тирвал ч1ехи Самурдин
Эк1я хьанва эл.
Чимивиляй , серин вац1у
Желбзава вичел.
Зунни фена дахдихъ галаз
Вердиш жез вац1ув.
Кич1е я заз ,еке цихъай
Гьик1 тухун за жув.
Къенин югъ гьикьван хъсан я
Шагьварни авай.
Гьеле, жезвач сирнав ийиз
Вац1ун це завай.
Кьуна зи гъил , зи дахди зун
Галч1урна вац1уз.
Гьарайнай за , заз кич1е я!
Зак кямир лугьуз.
Вердишарнай зи дахди зу
Вац1ун цив гужлу.
Къизгъин ,гатун рекъинини
Канай зи далу.
Твах дах,вац1ал лугьуз гьар къуз
Закай хьанвай дилавар.
Гад куьтягь жедалди вац1а
Авунай за сирнавар.