Мад гатфари кьунвай зун
Вичин къужахда.
Дидеди, вичин балаяр
Кьадай саягъда.
Гана теман, зав чимивал
Агудна вичин.
Жузуна ,зун физвай рекьер
Къе, хьана к1вачин.
Лагьана заз вин гуьгъуьна
Чими шагьвар гваз.
Къекъведа зун ви гелера
Гуьрчег цуьквер цаз.
Хуш легьзеяр хьурай лугьуз
Багъишда , ваз рагъ.
Уьмуьрдин гатфар я, зу ви
Рик1евай чирагъ.
Диде амач, уьмуьрда захъ
Гелкъвезва гатфар.
Чуьнуьхриз зи сефил гьал
Агудиз хуш гафар.
Диде амач , амазма захъ
Т1ебиат-диде.
Гагь хуш вахтар ,гагь кьежей зул
Тваз жезвай рик1е.