Са пуд гьефте фад акъатна , ватанда хьайи
Мад кутуна зак къуватар ,зи хайи чили.
Гзаф крарни алакьнач ,
Вахт катна цавай.
Гьайиф, йикъар яргъи ийиз
Хьанач мад завай.
Хуш легьзеяр ,дустар галай
Катна гар хьана.
Сефил хьана ,мад зи гьалар
Им вуч кар хьана?
Зун хадалди къван хьанайт1а дидеди,
Ам , ватандин чилел алай къван жедай.
Мад хъфизва зун , гадарна чил хайи
Акъвазнайт1а, ватан хуш инсан жедай.
Вучиз? Мад зу чил гадарна хъфизва.
Масанавай къайда ина авачни?
Квай къуватар Европада хукудиз,
Заз хайи чил, диде-ватан амачни?
Рик1 секин туш , т1вар ала зал лезгидин.
Зун дуьньядин кьуд пип1ени къекъвезва.
Намусди , къвез гьахьиз , руьгьдин деринра
Хурудавай зи сефил рик1 регъвезва.