Лезги халкьдин гьалар гзаф пис я къе,
Чи рухваяр вучиз ят1ан кис я къе.
Гьар са касди вич кьазва хьи хахадай
Рягьбер авач чи гьалдикай рахадай!
Чи жегьилриз чизмач чlалан верц1ивал,
Квадарзава бубайрин ирс-лезгивал.
Лезгистанда лезги ч1алал рахазмач
Куьз лезгиди, къе лезгидин гъил кьазмач?
Самур тама ягъ-кьиникь я авайди,
К1валахдикай магьрумзава рахайди.
Кар чкадал атайла кис тежен чун!
Жуванбуруз душман хьиз пис тежен чун!
Рекьер михьиз барбат1 хьанва районра,
Бязибурун уьмуьр физва вагонра.
Югъ-къандавай четин жезва инсанриз
Чпин уьмуьр к1ани патахъ хъсанриз.
К1валах авач дипломар гвай жегьилриз,
Рекьидалд к1ан я к1валахиз агьилриз.
Мажибарни т1имил жезва къвердавай
К1еве гьатзава яшамиш жердавай.
Я ,Сад АЛЛАГЬ, зи ван хьурай Путиназ,
Гьада кьванни са к1ус куьмек гурай чаз