Вуч пашман я Гияр шегьер,
Ц1ийи хъийиз гужарин хер!
Буш кимери артухарна харап1айрин сан,
Яргъалайни хквез амач иесийрин ван.
Цифедик квай яйлахривай,
"Хан илифай" булахривай
Шант1уракай хабар кьадай вуж ават1а лагь?
Шаниятан т1вар эцигай руш ават1а лагь!
Регъвез, хана залумди сас -
Мукьвал хьанвай ягъийрин яс.
Намус хвена, шагьдин бугъа кьейи суна тир,
Уьзенгда к1вач амаз сурун хьайи суна тир.
Фейиди руьхъ, а кьил т1анур...
На низ туна рик1евай нур,
Я тагъ ч1угур тавханайра чка тахьай руш,
Кьве къизилдин лув кваз хана - цава тахьай къуш?