Шу йырымны Камилге багъышлайман
Гьакъ юрекден сагъа иним язылгъан
Унутмагъа сени атынгны болмайман
Токътагъанман къабурунгда къазылгъан
Мен гелгенмен бугюн сени уьстюнге
Кёп сёзлерим бар айтылмай къалгъан
Мен къалгъанман бу дуньяда кюстюне
Ич сырларым терен ярасын салгъан
Эсимде бар сен ачкъанда гёзюнгню
Шыбышлама башлагъанынг сёзюнгню
Къучакълашып къолларыбыз алгъанбыз
Агъа-ини экев янгыз къалгъанбыз
Мен геткъенде магъа яслар этмегиз
Ахыр сёзюнг шудур бизге айтылгъан
Муратлагъа сав заманда етигиз
Ахыратдан бирёвде ёк къайтагъан
Йыламагъыз аявлу дос къардашлар
Парахатман сиз магъа къыйналмагъыз
Кёмек этмес тёгюлеген гёзьяшлар
Альгьамны охуп мени эсге алыгъыз
Перевод- Маржанат Мажидовой