Ч1ехи бахтар гъидай к1вал хьуй ,
Физвай к1валикай.
Ваз уьмуьрлух юлдаш хьурай
На кьур гъуьлуькай.
Дидевилин к1енивал гваз агатрай къари,
Хъсанвилер дуьньядавай ваз хьурай вири!
Чан чна чин тербиядал Ч1ехи авур руш.
Вун бахтлу жез физвай а к1вал
Чидаз ухшар туш.
Кват1а ч1уру хесетар вак
Тур на чин варцел
Вегьез тахьуй рагъул леке ,
Бубадин т1варц1ел.
Гьуьрмет ая а к1валевай гъвеч1и ч1ехидаз
Четин хьайт1ани ,
Алахъа к1валин къайда кьаз.
Тапшурмишай крар вуна
Акъуда кьилиз.
Ц1ай тур къула ,
Чимивал це вун физвай к1вализ.
Чира жуваз артухриз фу,
Т1имил гъуьруькай
Твах жув хъсан, даях хьуй ваз
Физвай гъуьлуькай.
Ягъалмиш жез сес хкажмир
Адан дидедиз.
Гьа зун хьтин диде я ам ,
Хва гъай дуьньядиз!
Лугьумир гьич садрани заз
Куь къалдин гафар.
Чир хьухь ваз цларихъни кваз
Авайди япар.
К1валяй акъудмир са гафни,
Хесет я хъсан
Зин мурад я , вакай хьунухь
бахт авай инсан!
Авунат1ани дидейри хана куьн ч1ехи
Гила чешнеллу хзан хьун
Гьам я ви буржи!