Савбол анам, сагъа савбол этемен,
Муна бугюн йыракълагъа гетемен.
Эки манат акъча гирсин кисеме,
Шо умут да йибересен ишлеме.
Язбаш гелсе яшгъара алма терек,
Гьар абатын ойлашып алма герек.
Тек тунукъ гюз саргъалта япыракъны,
Тели янгур гёзъяшы табиатны.
Анам ёра яхшылыкълар баланггъа,
Ёлгъа салып аманат эт аллагьгъа.
Къой чу анам сибирмеге гёзъяшынг,
Гёзъяш тёге, дертден толгъан яш башым.
Савбол анам сагъа савбол этемен,
Муна бугюн исси уьйден гетемен.
Мунча йыллар инжинеген яш башым,
Йыракълар да тонгар бугъай ой ташып.