Шудэ ти нылъёс
Пинал дыръяды
Пинал дыр луэ одиг пол
Эн дыртэ сюан шудыны
Со луоз одиг пол
Дыртэ шуддэс шедьтыны
Со ведь лыктэ одиг пол
*****
Озьы но эн шуэ
Тазьы но эн шуэ
Вырзе сюлэмы
Куашка мылкыды
Пырысал гулбече
Пегзысал сьод тэле
*****
Пичи ке но шуре
Туж чылкыт
Пичи ке но шудэ
Туж яркыт
*****
Пичи ке но садэ
Туж шулдыр
Пичи ке но яблоке
Туж ческыт
*****
Шуш ке но картэ
Туж со вирсэрлы
Муртлэн чебер ке но
Туж со вирсэртэм
*****
Улоно вал городын
Улыно –вылыно из юртын
Лёгоно вал сюрес театре но цирке
Чебер гинэ пормытскыса
Кузпалэныд кунулскыса
Ветлоно вал шутэтскыны
Кыдёкысь сьод зарезе
Нуллоно вал тузи диськут
Зарни жильы алмаз весь
Пельугы но чебер зундэс
*****
Зарни пичи дыры мынам .
Ноку вунонтэм атай юртэ.
Вож бадьпу улти кошкись шуре .
Весь улись коды мынам сюлэмам .
Пересь дядяелэн мерттэм садэз.
Уг кошкы улэ весь сюлэмам .
Мар меда малпаса мерттиз со садзэ .
Емышсэ но оз адзы ачиз .
Чылкыт шурысь вуэн миським диськут .
Нюлэскысь ваем губиез но утялтим отын .
Кенер майыг йылэ гын сапегъёсты .
Миськем берамы ми ошылим .
Жужытэсь тополъёс улын шудим .
Шутэтским сай улаз бадьпу вай тиякумы .
Толалтэ дядяй люкмес усьтылиз .
Нуллим карнанэн чылкыт вуэз мунчое
Атай юртам кылиз мынам пичи дыры .
Чебер юбкаос дисяса
Чебер пель угы пелям бырттыса.
Чиган ныл потэ луэме
Тэтчаса поръяса эктысал.
Туганэ но чиган пи мед луоз.
Гитара гинэ мед шудоз.
Сьод чебер йырсиме лэзъяса.
Чиган гур кырзаса мон экто.
Эй ромалы шуд гитарадэ ..
Чиган ныл эктэ тон азьын .
Мон уг жаля пыдъёсме но дырме .
Экто но экто мон дырез валатэк .
Тон понна тон понна тон понна чиган пи.
Улонэ.
Монэн чош вордиськем улонэ
Сапкытъяз кокалляз со монэ .
Куддыръя со монэ жалялляз .
Коня ке шокчыны маза со сётказ .
Бамам сальылиз кышкатэк собере .
Монэн чош вордиськем улонэ .
Нокызьы но уг луы сое воштэме .
Кырзасько бордисько соин чош .
Палэнэ уг луы солэсь пегземе .
Шедьтоно дыр одиг кыл соин чош улыны .
Уз луы ини мынам сотэк улонэ .
Чидано дыр сое пумозяз ас возам .
Монэн чош вордиськем улонме .
Куаръёс.
Ой куаръёс куаръёс
Лобзо ини соос
Мылкыдме бурдъяло
Выль кылбур гожтыны
Шыпырто кадь соос
Лобзо музъем вылэ
Зарни шобретэн
Шобырто соос
Медаз кынмы музъеммы
Зырт кезьыт толалтэ
Ненег сяська выжыосты
Шунтозы зарни куаръёсты
Гужем куазен шум поттозы
Зарни выллем чуж сяськаос .