Оьзен сувдай ойларымны акъдырып,
Юрегиме сююв отум яндырып.
Яшавума сени ёлдаш этгенмен,
Азиз досум мурадыма етгенмен,
Гёзел къушдай къанатларынгны къагъып,
Учуп гелдинг сююв чырагъынг ягъып.
Сен гиргенде ожагъыма аявлум,
Шавлаланды, чечекленди яшавум.
Гёзлериме гирген гюнню шавласы,
Къушдай чарнай сюювюмню къавгъасы.
Сююнч гёзъяш гёзлеримден йыртыллай,
Къуванч толгъан яш юрегим жымырлай.