Багъдавай зун, гатун йиф тир
Вили цава варз зайиф тир.
Вун атайла къаршидиз зи ,
Югъ хьиз и вахт хьанай экуь.
Къизилдин варз гьа и ч1авуз
Хъуьренай чаз экуьвал гуз.
Багьа я заз вун зи къизил
Лугьуз, кьунай вуна зи гъил.
Амукьнай зун туп1ар зурзаз
На захъ туп1ал гилигайла.
За багъишнай алмазар ваз
Вун зи чиниз килигайла.
Вичин гьалдив танишриз чун
Муьгьуьббат тир , хабар гайи.
Т1ар хьайи рик1 уьмуьрлух яз
Гумукьнай чав , къабар хьайи.
Им хьанай чин эхиримжи
Сифте муьгьуьббатдин, гуьруьш
Хтанач , патав вун садрани зи
Чун сад_-садав хьанач вердиш.
Сир яз хуьх на , зид я минет
Са, ахварай хьайи кар яз.
Чун -чаз хьаначт1ани кьисмет
Туп1ал хьуьда ядигар яз.