Туна зун къе рекьел на.
Хер авуна рик1ел на.
Акатна зи чандик фул,
Агудна зав мекьи зул.
За низ гун гила, цуьквер
Шуьткьвезвай, икьван иер.
К1ват1айбур тир вун патал
Ваз икрамна гун патал.
Лагьанач на физвай пад
Гьик1 жагъурин за вун мад.
К1унч1 куьрс хьана гъиликай
Вун катайла виликай.
Гадарна за чилел ам
Гваз хъифена жуван гъам.
Фена чи багъдиз ичин
Белки кьисмет туш, вучин?
Зун суалри тваз к1еве
Ви дерт гьатзава рик1е
Сифте заз хъуьрей вилер
Цам галай назик гъилер.
Карагзава вилеркай ,
Дад амач мад хъилеркай.
Мехъеркай вин рахана
На зин рик1 лап ат1ана.
Гьак1 кьурана цуьквер зи
Ччара хьайла рекьер чи.
Ма , за ваз мад вуч лугьун
Мурад я вун бахтлу хьун.
Якъин са кар чида заз
Акъатайт1ан патаз вун.
Зав гвай к1енивилелди
К1ан тежерди , адаз вун.