Чин дувулар деринриз фий!

Гулья Мисриханова
 Деринриз фида  мягькем дувулар,
Шаддиз хьайила , хъуьрез хтулар.
Дадлу хуьрекрин ни гьатда к1вале
Хийирлу къастарни  хзанрин рик1е.

Стхадин сусан сивел хьурай хъвер.
Бубад ин  к1вализ къвез  рушан к1вачик звер.
Мугьман к1вале хьун кар я лап хъсан
Гьар нянихъ , ачух суфрадихъ хзан.

Жегьил дидеди вичин гъвеч1и хва
Лайлаяр ягъна турла ахвара
Назикдиз кьилел элкъуьрайла гъил
Суст жеда биц1ек, ачухдиз гуьгьуьл.

К1вале хьайила гьа ихьтин гьалар
Цларин шаксуз биши я япар.
Сагъламвилин руьгь къугъвада к1вале
Герек туш дарман , духтуррин рапар.

Кьуьзуьвилини гудач ваз таъсир
Вахт жегъидач ваз, ийидай фикир.
Акатиз дамах зурзада беден
Патав гват1ани ажал, къаст кьет1ен.


Ят1ани хзан гьар са амалдин


Вин кьиле жеда фикир камалдин,

Рик1елни къведа алатай вахтар
Дерин хиялрин кьисмет тахьай яр.

Сабур хьуьз авур крар уьмуьрда
Мягькем чка кьаз, ава фикирда.
Къимет гайила хзанрини ваз
На тухвай уьмуьр чешнеллудай кьаз.

Чугвазвач гьайиф, уьмуьрдин кьиса.
Экуьвал ганай , атай гьар йикъа.
Рази хьана фин сивел къвер алаз,
Муькуь дуьньяда вуч ават1а акваз.