Хъуьруьн тегьер чин тийиз,
Сив ахъайиз къазра хьиз
Куьтягьдалди лугьур гаф
Хъуьрез жеда хахайиз.
Алаз кьилел очкияр
Гьич авачиз дердияр
Пул авай са кьуьзуьдкай
Къекъведа руш кьуна яр.
Чlижре гай хьиз къавурна,
Яд цайид хьиз ацlурна,
Бязибуру пlузарар
Мода лугьуз дакlурна.
Чlиб кьван каблук алукlиз.
Чара касрив галукьиз,
Жед рушар аялар хьиз
Къекъвез тежез алукьиз
Айфон,самсунг гъилеваз,
Пичlи мефтlер кьилеваз,
Шегьердин гьар куьчеда
Бомбитаяр аквад ваз.