=Шииратдин кимел - тербиядин мел=
Сажидин
ХАТУР АЯ
Хатур авур касдин хурал хер жеда,-
Ваз адакай багьнаяр кьаз кIан жемир.
Яд авачир вацI – кьуру тир кьер жеда,
Я вакайни кIеви вили къван жемир.
Чир тахьайтIа, вуна авур хатурар,
Кьилел Аллагь ала, Гьадаз чир жеда.
АлахъайтIа, вуж вичел гъиз абурар,
Хийир дуьа аваз, гьа кас пIир жеда.
И дуьньядал, чун амачир вахтуна,
Амукьдайди я писвални хъсанвал.
Пачагьдилай авай кьакьан тахтуна,
Багьа тир затI я анжах са инсанвал.
Жуваз дарвал гун тавуна, чарадаз
Хийир гунуг, кьиле тефир кIвалах я.
КIанзаватIа, мурадар гъиз арадиз,
Хъсанвал - яд акьалтI тийир булах я.
Хъсанвилив къведай гьич са кар авач.
Ам Аллагьди вак кутур пак лишан я.
Инсанвилив къведай багьа тIвар авач,
Багьа къван хьиз, шумудни са къашан я.
Сажидиназ кьудкъадни кьуд яш хьайи,
Такур жуьре инсан авач къилихриз.
Гишиндакай хабарар яхъ каш хьайи,
Хатур ая, яб тагана синихриз!
Перевод с лезгинского
Что добро вернётся злом ,не верь мой друг,
Как и море,что не сможешь ты найти,
Где вся высохла вода и всё вокруг.
В камень сердце ты своё не преврати.
Ты не бойся,если кто-то не поймёт,
Небеса твою оценят доброту.
И святыней станет непременно тот,
Кто в душе своей наводит красоту.
После нас останется добро и зло,
Несмотря ,что мы при жизни короли,
Даже это никому не помогло -
Человечность обесценить не смогли!
Не жалея ни себя,ни сил своих,
Быть добрее- эта ноша нелегка.
Но от всяких благородных дел больших
Бьёт удача,как вода из родника.
С добротою не сравню я ничего-
Это счастье, что Аллах нам подарил.
Нет на свете драгоценнее того,
Если вспомнят,что ты самым добрым был.
Лет десятков восемь с лишним, Сажидин,
Видел многих,хочешь мне не доверяй.
Знавших голод ты спроси - ответ один:
Уважение ты к людям не теряй!