Къванер падна экъеч1ай тар ,
На къачуна лайихлу т1вар.
Хьанва гила ч1ехи са п1ир
Инсан амач анал тефир.
Гьар са касдик ква са къилих
Гунагь кваз гьисабдач вичик.
Хьанмазди са ч1уру к1валах
Физ алахъда п1ирен къвалахъ.
Минетариз, хкажиз гъил
П1ирен патав икрамда кьил.
Гунагьар хьуй лугьуз кьезил
Ачухда рик1, п1ирез сефил.
П1ир рахана , авачт1ан рик1:
Са касдиз лагьаналда ик1:
Т1алабай кас ,завай куьмек
Лагь, на уьмуьр тухузва гьик1?
Рахух вун зав , авани мажал?
За гуда ваз са кьве суал.
Алакьайт1а гуз жавабар
Вав гва вин бахтунин дап1ар.
Алакьнан физ Шагь-дагъдал кьван
Кук1варнани мармардин къван?
Гьилер-к1вачер сагълам беден
Вуч бес жезвач на заз лагь кван?
Лугьузвай, аллагь я п1ирер
Касди ягъна чилиз мет1ер.
Я аллагь , им я ви кьадар
Алакьнач залай а крар.
Ак1 ят1а, вуна заз це яб,
За лугьун ваз ,тавуна таб.
Лагьайди туш садазни сир
Закай гьик1 хьайиди ят1а п!ир.
Зин эвел я гъвеч1и са твар
Дидеди эцигначир т1вар.
Аватайла рагарвал зун
Бедендиз лап хьанай зи т1ар.
Авачир заз фидай са рехъ
Рагарални элкъвезвай пехъ.
Чилини зун тийиз кьабул
Азиятар хьанай заз бул.
Тахьайла заз фидай чка,
Амукьначир маса чара.
Чан къвезавай зи дувулри
хкягънай кьве раган ара.
Ахпа мад хьанач заз мажал
Къвез заз килигзавай ажал7
Чуьнуьх жез к1анз ат1ана къван
Азият заз бул хьанай кьван.
Мад дувулар къекъвенай цихъ
Ирид къатар авай къвенцихъ.
Яд къваз к1анз лап хьанай къаних
,гьа ик1 дегиш хьанай къилих7
Ахпа виниз хкажна кьил,
Акунай заз и мублагь чил.
Заз ак1 хьанай им женнет я
Ина шад жеда зи гуьгьуьл.
Ягъалмиш тир зи фикирар
Лап гуьт1уь тир зи жигъирар.
Пеш авурла , за ч1ехи жез ,
Рекъини зун кьурурдай къвез.
Мад дувулри гудай къуват
Акъайдай за пешер кьуд-вад.
Ахпа атана мекьи зул
Чуплахарна, кутуна фул.
Лагьана заз , кьуьд къвезава
Дурум гудай авани т1ул?
Тек тир зун авачир куьмек
Гагь йад гагь чим жезвай герек.
Чуплах хьанвайт1ани беден
Ракъинвай за къачузвай экв.
Гьа ик1, хьайид я зун михьи
За мармарар паднай векъи.
Ц1айлапанри 6т1урфанри зун
Гатаз-гатаз хьана ч1ехи.
Акъатнай зун виш йисариз
За таб ганай вири й къариз.
Лагьана за ваз гила сир
Зун я аллагьдин ч1ехи п!ир
Эй, инсан на це заз куьмек
П1ир виридаз зат1 я герек.
Зин къуватар квезни къачу
К1анзавач заз амукьиз тек.
Алакьнан физ Шагь-дагъдал кьван?
Кук1варнани мармардин къван?
Гъилер-к1вачер сагълам беден
Вуч бес жезвач на заз лагь кван?