Бубуяр...
Агь, бубуяр рангар яру,
К1вачин тангар - махпур къацу...
Куьн акурла хуьруьн ник1е,
Дявед йисар къведа рик1ел...
Чаз бадеди лагьанай -
Вилел накъвар атанай:
- Чи бубадин-имидин
(Телеф хьайи дяведа)
Я ст1алар ивидин...
Эхь, ислягьвал хьурай лугьуз
Лезгистандин чилерал,
Гьайиф тахьай гьич чанни гуз
Амукьда абур рик1ера...
....
Чи кьилел рагъ хьурай чими
Дявеяр мад такурай...
Анжах лекьер цава вили,
Ислягьвал хуьз, акурай!
Дагълар, аран ийиз ц1ару-
К1валахдик хьуй яру бубу...
Хайи чилни иер ийиз,
Яру аскер рик1ел хкиз.
07.05.2017