За кхьизва : Вучиз лагьайт1а , заз " ЗУН БАХТЛУ Я " лугьуз к1анзава.
Са югъ къведа завай а гафар зин мецелай, экуь вилералди, руьгьдин зигьиндади лугьуз тежедай: Гьа вахтунда за са шакни алачиз,туп1аривай мад кхьиз тахьайт1ани , а гафар рик1ин къеняй тикрарда:
"ЗУН БАХТЛУ КАС Я"
Захъ гелкъвезвай икьван хъсан къулайвал ийиз
Зун хайи чил, заз уьмуьр гай , лагь кван на вучиз?
Сифте гана , АКЬУЛ, КЪУВАТ, ЗИГЬИН, ЧИРВИЛЕР.
АХПА САНАЛ, ЗУННИ ГАЛАЗ ГАХЧУЗВА ВИЧИЗ?
Белки чилиз герек ят1а, чин тан къуват квай.
Гъана чилел, гузват1а чаз девлет вичив гвай.
Лигимриз чун, маса уьмуьр хьуй лугьуз регьят,
Гахчузват1а , элкъвена чун, ийиз к1анз кьенят.
Са юкъуз шад хьанайт1ани, муькуь югъ марф къваз
Хайи чили къалурнай заз, уьмуьрдин рехъ кьаз.
Гила килиг, гьатайла зун уьмуьрдин геле,
Мад накьвари гьазурнава ,зун патал бине.
Зун бахтлу я 60-йисуз кьве к1вачел алай.
Хар къвадайла , дурум гуз , алакьна залай.
Регьятдиз къачузва за, и чилел нефес,
БАХТЛУВИЛЯЙ, ац1уриз зин хурун кьефес.