Верц1и мецел рахадай,
Вилерай рагъ аквадай,
Чинални хъвер къугъвадай,
Са руш кьисмет хьурай ваз.
Гъвеч1и-ч1ехиди чидай,
К1вализ берекат гъидай,
Гафни туьтуьнлай фидай
Са руш кьисмет хьурай ваз.
Гъиляй къени кар къведай,
Дамах гвачиз къекъведай,
Уьмуьрдин юлдаш жедай
Са руш кьисмет хьурай ваз.
К1андат1а вич хьуй патай,
Дерин кьат1унар авай,
Вичик къени къилих квай,
Са руш кьисмет хьурай ваз.
Писни-хъсан аквадай,
Лезги ч1алал рахадай,
Дидедин ухшар къведай)
Гуьзел кьисмет хьурай ваз