Им дуьнъя я, фана дуьнъя...

Гасанова Гюзеля
Им дуьнъя я, фана дуьнъя-
Гьардан кьиле фагьум к1андай.
Вуч авурт1ан акъваз жедач,
Кьвед лагьай уьмуьр хкведач.
Вилик къвезвай гьар са легьзе,
Тек сад я - ам хуьх куьне....
Мад чи патахъ ам элкъведач,
Кут1унизни, валлагь, жедач.
Вилик атайт1ани парар,
Хуш к1валахар, шад хабарар,
Хийир-шийир,са гафунал,
Ягъайт1ани са сафунал -
Вуч авурт1ан, уьмуьр я чи,
Мукъаятни - рик1ин гуьзгуь....
Сабурдинни ва намусдин -
Гъил кьуна бес физ к1ан тушни!?
Алакьдани- алакьдачни,
А жигъирдай дуьз жув финиф,
Фад амаз чир жедач, гьайиф)
Ик1 тирвиляй ягъал жезва,
Йифен мич1е вилер шезва...
Кесек к1вачик акатайла,
Гафарикай хк1адайла,
Рик1и-рик1 нез регъведайла,
Фитнечийри жув недайла,
Пад алачир сиверикай,
Жув гьиниз фин- эвер-гьарай
(Гьиниз катин, "регъверикай".!?)
Гьа береда регъуьз-кич1ез,
За, камарлай са вил вегьез,
Чка тагуз рик1е хъилез,
Сабур гана, милиз хъуьрез,
Тикрарзава гафар кьиле:
Дуьне я им, фана дуьне....
29.03.17
картинка с Интернета