Са ч1авара шиирар дустар к1ват1 хьайила арадал къвезвайди я. Месэла:
Гюзеля
Квез пакаман хийирар,
Чан жуванбур, лезгияр!
Ша, гъиле кьан лап куьлуь саф:
Верц1иди хьуй чи "Йикъан гаф".
Эйваз Гуьлалийрин
Гар гуьнеда галатна,
Яр атана алатна.
Рагъ дуьнедив агатна,
Бахтавар я дигай ч1аф.
Верц1и хьурай "Йикъан гаф!";
Гюзеля
Мад са к1вал хьуй чаз рахадай,
Лезги ц1арар аквадай ....
Туькьуьл гафар хьурай фад паф
Гахъвал гваз атуй "Йикъан гаф";
Эйваз Марвар
Масдан рик1е твамир хал,
Яргъа хьурай къалмакъал.
Агатрай эл рик1ин ц1ал
Сабур хвена хчун каф,
Верц1и хьурай "Йикъан гаф!"
Гюзеля
;Са к1ват1ал чаз артух хьана -
Дидед ч1алал чун рахана.
Кьилел хьуй чи рагъ, вили цав -
Мани хьурай чаз "Йикъан гаф"
Эльмар Саруханов
Яр атана алатна
Гатфарин юкь агатна
Гатфари гай илгьамдик
Ц!ийи к!ват!ал акатна
“Йикъан гаф” чи рагъ хьурай
Лезги ч!ал мублагъ хьурай!;;