Я чан бахдин къарникъуз.
Вун гьинавай яргъи къуз.
Алатнайни рик1елай
Фидай чка заз лугьуз.
Я чан бахдин к1ени рик1
Им жедай к1валах я ,гьик1?
Хуьквез йифен кьулариз
Ийизва на зун гъерик1.
Я бахдин гьала дул-дул.
Гзаф ян ,жибинда пул
Къала са пай иниз гъваш
Аваз хьайит1а ам бул.
Я бахдин ширин-шекер
Кьиле фидан и тегьер.
Къазанмишиз вичиз къваз.
Паб алаз иски пекер.
Я чан бахдин чуьнуьруг
Вуж акатна вин хурук.
Хкаж жезмач гурарай
Йиф акъудзава кьурук.
Я чан бахдин мерд-мазар
Акатда вак са азар.
Язух ша ваз аялрин
Ийимир чун бед-назар.
Я бахдин к1ват1и-к1ват1аш.
Гьикьван жеда ,вун к1амаш.
Къеле хьанва къуншидиз
Вил вегьена вун тамаш.
Я хзан сагъ хьайи кас.
На зун гъанва ,гьи йикъаз.
,,ПИЯНИСКА,, ваз лугьун
ХЪсан т1вар я,лап ваз хас.