ЛУГЬУЗВА ЗАЗ ГАТФАРИ
ЯтIан дуьня фаниди,
Уьмуьр кIариз-атIанвай,
Яб це хару манидиз
Чубарикрин хтанвай,
Икрама гьар нянидиз
Ви уьмуьрдиз атанвай-
Лугьузва заз гатфари.
Къелемни чар гъилеваз
ЭкъечIа вун рекъериз,
Вач мурадрин гелеваз,
Салам це на цуьквериз,
Гьар гуьнеди, пеле ваз
Илгьам гуда туькIуьриз-
Лугьузва заз гатфари.
Муьгьуьбатдин, ашкъидин
Хьурай рикIе гъулгъула.
Кьисмет- ятIан мискьиди,
Гуьгьуьл ийиз рагъулар,
Жагъура на касди хьиз,
Дерт элцифдай рахулар-
Лугьузва заз гатфари.