Къе зин рик1ел хтанай чин
Жигъир,к1вачин рехъ.
Вун зин патав къвез хъифидай
Чка,гьа ,чин рехъ.
А гуьт1уь рехъ чин к1вачери
Ашкъидалди къвез.
Авурди тир ,тек чаз кьведаз
Чун-чал ашукь жез.
На к1вач вегьей чкайрал за
Вин к1вачин гелез.
Бахтлу жез к1анз алахъдай зун
Зин камни вегьез.
Къекъведайла а рекье чун
Ац1ай варз экуь.
Шагьид тир чин к1енивилин
Гьиссерин михьи.
Рехъ амазма,гелер амач
Ана ,чун къекъвей.
К1енивални зайиф хьанай
Рекьелай элкъвей.
Анжах туна к1енивили
Рик1е вичин гел.
Яргъаз катай акъвазначир
Чин кьведан рекьел.