Дуствилелди кьурла зин гъил
Зани,зин гъил вугузва.
Зун Голландец я,лагьайла
За,лезги я лугьузва.
Зун векил я лезги халкьдин
Кьисметдихъ галаз атай.
Лугьумир заз,чил гадарна.
Чил алмас я заз авай.
Са чун туш,вил вегьа куьне
Вири миллет патава.
Халкь,кьве патал пай хьайила,
Чун финкай вуч хатава?
Къалур тийиз чин миллетдин
Усалвал чун к1венк1вева.
Гьина хьайит1ани артух я чун
Хайи Ватан рик1ева.
Интернетди танишариз
Туьк1уьрзава дестеяр.
Тербия гуз жуван ч1алан
Агатзава дидеяр.
Пис карни туш,чун гьарна хьун
Арадава виридан.
Баркалла гъиз ,лезги халкьдал
Къадир чир хьухь ,фейидан.
Дережайриз лайихлу жез
Агалкьунар къачузвай.
Рухваярни ,рушар ава
Чахъ къариблух ат1узвай.
Лезги дидейрин рухваяр
Таб гуз тахьай вахтариз,
Кечирмишиз чипин уьмуьр
Акъатзава яргъариз.
К1вачик кват1ани маса чилер
Рик1е ава ерияр.
Саламат хьуй ,чан жуванбур
Патара авай ЛЕЗГИЯР!!!!!!!!!