ЖАФАТ1АН КУЧ1АЛ ДУБХЬНА БАГЬА
Бизар дарза
адагъуз уву гъуйдиан…
Хъа саб вахтналан
уву дина шулуш ял
бизар хьузахъа гьаз?
Ваз гьудубч1види чаз
уву лигурушра кьяниди…
Яв кьянивал узу диш ап1узди
йиз бизарвал увуз рябкъюрадар гьаз?
Гьаз хьуза узу бизар?
Узу ув’ин гьяйран духьнайин
адагъуз уву кьарнаан
жвувра идиргъури дид'ан?
Узуз уву даккунди айин
уву уз’ин уьлюрхюз?
Увуз исинди зигурайирин
гьеле лиг машназ
фук1а ужуб душвягъ гъяш!
Гьаз ву йиз уву
гьамкьан увхъан хъч1ихуз?
Йиз жафайиз адарив кьимат!
Хъа дугъу увкан ктагъузди кьукьар
дугъаз туврава бакьлукьар!