Яргъи кифер аватнавай къуьнерлай
К1ени гада гуьзетзавай синерлай.
Лезги чилиз нур чук1уриз вилерлай
Аламатдин рушар ава хуьрера.
Дугърибур я къилихарни чипик квай
Милаим хъвер гьамишанди сивик квай.
Тамамарда гьар са к1валах вилик квай
И такьатдин рушар ава хуьрера.
Намус хуьзвай,чизавай гъвеч1и-ч1ехи.
Тербияда авай,дидейри гайи.
Къадир авай,вичин Ватандин хайи.
Мецер ширин рушар ава хуьрера.
П1узарар я ,яру п1енийриз ухшар.
Седефдинбур,сивевай лацу сарар.
Ц1еред йис я лугьуз.къе вичин яшар.
Пекдин рик1ин рушар ава хуьрера.
Сад акурла сад рик1елай алатиз
Чин жегьилар къалабулух акатиз.
Гагь вилик къвез,гагь яргъариз акъатиз.
Женжелвилин рушар ава хуьрера.
Наз маса гуз жеда жегьилрин вилик.
Муьгьуьббатдин ялав ,акатиз рик1ик.
Намусни,регъуьвал,гъейрат квай чипик
Шумал буйдин рушар ава хуьрера.
Руьгь кутунвай ,,ЛЕЗГИНКАДИН,,, макьамри
Хкадариз,кьуьлерзавай зак1амри.
Ц1ийи вацран хесетар квай рац1амрин
Акьул дерин рушар ава хуьрера.