Хкяйнай на уьмуьрда ,зун ваз юлдаш яз.
Буй-бухахни авай захъ ,чанни фараш яз.
Ирид йисуз хьанай зун вилив хуьз а вахт.
Атана ,гат1умначир дидевилин бахт.
Вун к1енивал ,зин рик1яй акъатзавачир.
Зин минетар аллагьдик акатзавачир.
Чин ашкъидин гьиссерни акъвазна вилик
Къалабулух кутазвай ,зин пашман рик1ик.
Ч1ехи шегьерда туна ,вуна зун ялгъуз
Хъфенай ,хайи хуьруьз ,ц1ийи свас гахчуз.
Хабар хьайи и кардин,хьанай зун дели
Шехьиз йифер акъуднай,дерт хьанай ч1ехи.
Субай хьанвай зун,вахт дегиш жез,масад къвезавай
Жуван кьисметдивни зун ,вердиш жезавай.
Рик1яй вун акъуддай заз,хьаначир къуват.
Хьанвайт1ани гила ваз,аялар кьуд-вад.
Са шумуд йис алатна ,хъфейла хуьруьз.
Вин къуншидлай ,са мугьман,атанай к1вализ.
Теклифнай заз,уьмуьрдин юлдашвал авун.
Эхь....Лагьана ,а кардал рази хьанай зун.
Лагьанай а касди заз,туна зин хиве.
Кьве аял, дуьньядилай фад фенва диде.
Алахъа вун ,жедат1а,дидевал ийиз.
Ч1ехи ая аялар,акъуда кьилиз.
Зак квай тахсир,сивинсузвал ,аллагьди гайи.
Кьат1анай за ,савкьат тирди ,кьисметди гъайи.
К1енидавай къакъатунин атанвай заз пай.
И биц1екри акъудзавай ,зин чандавай къай.
Къаст авай захъ аялрин халис диде жез.
Хзан хьунал рази тир зун,вахтар физвай къвез.
Зазни аллагьдин патай савкьатар гана.
Йисни алат тавунмаз,гъвеч1и хва хьана.
Гьайиф...Гьат тавурт1а мад,куьн зин гъавурда.
Зун бахтлу я,гьик1 лугьуда ,бахтар такурда.
Акъатзавач рик1яй зин ,сифте муьгьуьббат.
Заз зин ярди багъишай,а ч1ехи савкьат.
Гьиссзавай зин юлдашдини,к1амайди заз ам.
Лугьузвай,,ВАЗ ВИРИ АВА,,ч1узвамир мад гъам.
Шад тирт1ани яргъи юкъуз ,балайрин къвалахъ.
Адаз ,йифиз эзбердай за,зун къужахда яхъ.
Гьалтайлани ,хвеши жедай зин пашман рик1из.
Сифте гъуьлуьн мукьвабурни ,зин мукьвабур хьиз.
Жузадай за,,лагь куьне заз ,,гьик1 ят1а гьалар.
Зин к1енидан сагъ яни чан? Це заз са хабар.
Са сеферда гьалтайла чун,къапа-къап аваз.
Лагьанай,,,вин гьиссери пис жаза гана заз.
Аллагьдивай чун сад-садав агудиз хьанач.
Завай,рик1ин хиялрай вун акъудиз хьанач.
Занни лагьанай гафар ,зин акьалтай рик1ел
Зун бахтлу я ,вун сагъ акваз и ч1ехи чилел.
Икрамда за кьил агъузна ,акурла диде.
Вун хьтин хва ,хана лугьуз ,ц1ай тур зин рик1е.
Вафалу я зун зин гъуьлуьз,бубадиз хцин.
Ам ,иес я зин хзандин ,абур я к1валин.
Дегишариз хьанач завай ,зин рик1ин гьалар
Вун рик1еваз.масад галаз акъатна вахтар.
Элкъвена мад хтана зун,зин чими к1вализ.
Хъивегьна за ,жував гвай пар,мад жуван къуьнуьз.
Ялда за ам ,жувахъ галаз ,уьмуьрдин рекье.
Залай гъейри ,низ чизва кьван,авай зат1 рик1е.