"Вош" ях дешай къоарга ма1ан да
Геттар кхоачар волчох доаг1а из ала.
Веший хам ца ховраш-м дукха ба
Цудухь хул цар вахар ший тейпара.
Нанас даьна ваьв аьнна хилац вош
Керчу доала дог цох лазаш деце.
Цунна цатовж оале нагахь дош
Цул а дикаг1 гаьнара моастаг1 веций?!
Дагар дувцаш хилча цинга тов
Г1алат даьлча гешт де ва из кийча.
Тховсар даьлча цунца ц1аьхха дов
Дицлу цунна хинар кхоана 1ийча.
Бакъда цхьаца ва ях вола вош
Эггар къиза моастаг1 хул вешийна
Ший б1аьргвейтача эгаду цу гош
Духьале ерг йоацандаьра шийна.
Вош-м ший вешийна вош хила веза
Кхича тайпара мишта хула цох дош?!
Наьннах биса эггара ц1енаг1а безам
Вешийца бекъаш хила веза вош!
14.12.2013