Хуьквезвалда лезги чилел
Мад Шарвилияр.
Шад жедалда мукьварал
Чин Ватанэгьлияр.
Гимишдинди ялда турни
Шарвилидив гвай.
Асландилайни зирекбур
Къуватарни квай.
Къуватарни Шарвилиди
Гъизвалда вичин.
Къалурдалда гьунарарни
Чин лезги чилин.
Бегьер кутаз чин багъларик
Гвалда алатар.
Гьар са к1вал къеле жедалда
Галай гьаятар.
Гахчудалда кьве паднавай
Самурдин чуьллер.
Яргъи ялда Шарвилидин
Къуват квай гъилер.
Мягькем жезвалда чин ч1ални
Къвезвалда виняй.
Ак1 хьайила аватдач чун
Садрани виляй.
Гьатнавалда дагълара ван
Чик1из арандиз.
Эвер гузва лезги халкьдиз
,,Хтун Ватандиз,,
Савда ийиз Бакудиз фин
Ялда кьуьруькар.
Кьасумхуьрел эцигдалда
Чипин фабрикар.
Къайда жеда Куьре пата
Йикъалай -юкъуз.
Гьазур ялда хуьреризни
Т1вар ,,шегьердин,, гуз.
Герек я куьн ,герек я куьн
Шарвилияр чаз.
Авадан хьуй чин лезги чил
Куьне къайда тваз.