Цхьана да вей тховсара,
Хьесташ безамо...
Халхавоала Мовсар,
Г1атта воалаш мо.
Цунца йоала Кукув
Ткъамаш лестадеш..
Бакъда з1амиг Мут1у
Сацац ловзар деш.
Увзайо цу къажильг
Кукув елхайо...
Товжи цуна къазильг
Т1ехьа удайо...
Илли оалаш хоза
Сетта Бибикур,
Цуна наькъат1а хила
Новсе ду ший хур.
Тийна велхаш латта
З1амига Нурбай,
Цуна ца ховш кертах
Къаьрзе хьам техай.
Цуна эг1азвахав
Мейра Таьштарбий,
Кхета Къаьрзе батах
Цу лостабаь бий...
Хьагулбенаб к1ентий
Бехке малув ха.
Дов д1адаьннад Геми
Кульг лу Элжаркъа...
Саци, Хьаби, Пучи
Таник къувсаш боахк...
О, ма хоза ба из
Берий маьрша мохк!
31.12.05.