Са боча Даьхе, са ираз, г1айг1а,
Хьо бахьан вусалв со лар йоацаш вейна.
Хьо бахьан, тешалахь, са еза Даьхе,
Вахаргва сийдолаш, вахаргва ваьхе.
Хьо езаш вахаргва нана-мотт бувцаш,
Сай валалца нахаца даггара дувцаш.
Аз дув бу1 хьона са Дай мохк ц1аккха,
Хьа сийле йоа ца е, лоаттаъе лаккха!
Сийдола Нана-Г1алг1айче!
Мелалда аз хьа дегчура хий...
Дув бу1 аз лораде ц1ийца;
Хьа г1улакх!Хьа эздел!Хьа сий!
Махьшаре кхачалца хьоцара безам
Хестабе иллешца, нахаца бувза.
Са еза Даькъасте, хьа духьа ваха со!
Са буча Наьначе, хьо езаш ваха со!
Хьа духьа лалва со!Хьо езаш лалва со...