Чин хуьре гьатнава ван
Хьанва закай руш хъсан.
Зун це лугьуз атурай,
Вилини ягъ тавурай.
Са гадани хуш я заз
Жез к1анзава ц1ийи свас.
Дугьри къарини хьурай
Чамни галаз атурай.
Лагьайт1а за авай кар
Пехил жеда къуншияр.
Гьал ачух хьуй,гуьгьуьлдин
Гваз ша,туп1ал къизилдин.
Вакай къари хьурай заз
Зун жеда ваз хъсан свас.
Зин гъавурда гьата вун,
Хийирлуди хьуй рахун.
Чун вири шад ая на.
Мехъерар фад ая на
Зун акваз дири хьурай
Вакай заз къари хьурай.
Гьич са рушни вин хцив
Хъийидач за гат1умар.
Инлай кьулухъ вунни зин,
Диде хьурай къавумар.
Хуш я вин гадани заз
Гьазур я чун гъилер кьаз.
Зунни жеда хъсан свас,
Вунни къари хьурай заз.
Къведа сундухарни гваз
Зун савкьат я къари ваз.
Заз гудай вирт гьазура,
Вун къари хьиз къалура.