Гзаф хьанва суалар захъ
Жаваб гуз дахьай.
Есирдава зун хиялрин
Цаварлай атай.
И суалдиз жегъин белки
Марфадвай жаваб.
Лагь вуна заз ,зин к1енивал
Вучиз тирт1а таб.
Мад са суал гун за гила
Къати гарузни.
Лагь вучиз заз мекьизват1а
Чими гатузни.
Зун элкъвенай рекъинихъни
Явашдиз рахаз.
Себеб вуч тир ,зин к1ениди
Фин,икьван яргъаз.
Уьмуьрдизни ганай суал
Жагъанач жаваб.
Дарихарун икьван зин рик1
Вучиз я яраб.
Йисаривай хабар кьуна
Гелер тур чипин.
Вучиз,ч1арар рехи жезва
Лагь кван,зин кьилин.
Кьисметдини жаваб ганач
Авунач чара.
Къад йисаваз гахчунай зин
Авай са бала.
Дердинизни ганай суал
Агатайла ам.
Вучиз кьуна зун ик1 к1евиз
Ч1угваз твазва гъам.
Жува-жувазни гуз суал
Дарих жезва зун.
Гьиниз фена жегьил вахтар
Гунагь ян,жузун.
Къванцин рик1и лугьузва заз
Къачу сувабар.
Белки ,цаварал хъфейла
Жегъин жавабар.