***

Вун Фелекди кьисметарна чарадаз,
Зун Диде хьиз туна аял къакъудай.
Заз хьиз вун к1ан жедай туш масадаз
За ваз вучин зи рик1из гъам авудай?

Салам гана вун утагъдиз атайла,
Гьал-т1алдикай хабар кьаз вун рахайла,
"К1анда заз вун" и пуд гаф на лагьайла,
Ч1укьни тийир яр хьунни заз азабна.

За вуч карнай ваз икьван зун дак1ан жер?
Вуч себеб яз, дерт хьана ваз эх тежер?
Жегьилзамаз рик1е хьана дерин хер
Зун ашкъидин ц1аю михьиз  кабабна.

Зун кьейила къвемир гьич зи сурални
Хур-мет гатаз кьил эцигмир хурални,
Тамир гъилик за вак кутур зак1ални
Иблисди чи к1анивилиз запабна.