Ша ц1ийи йис ,чин вил ала вал
Вуч гваз къвезва на?
Къе хьиз,шадвал эхирдалд кьван
Гъваш к1ула кьуна.
Килиг акъайнава суфра
Вун къвезва лугьуз.
Гьазурнава хуьрекарни
Дад квай,лап куз-куз.
Тебрик ийиз сада-садаз
Лугьуда тостар.
Вин сагълугъдай пияла къваз,
Гьазур я дустар.
Ша ц1ийи йис ц1ийивилер
Хийир квайбур хьуй.
Пачагьарни ислягьвилин
Фикир гвайбур хьуй.
Гьар са к1вале хъуьредай ван
Хьурай аялрин.
Диде-буда кьилел алаз
Къени хиялрин.
Ша ц1ийи йис хиве яхъ на
Чаз ч1ехи бахтар.
Рази яз вал дугурдайвал
Са,йисан вахтар.
Кьве агъзурни ц1ерид лагьай
Йис атанва чаз
К1ек вилик ква,яру жагъа
Хкажна тик кьаз.
Гьар са югъ,чун шад жедайди
Хьуй ц1ийи йисан.
Такабурлу к1ек хьиз чилел
Къекъуьрай инсан.