Диде, диде, чан зи диде!
Зи вил хьанва вахъ...
К1андай хьи зун аваз рекье,
Хуьр галай патахъ
Агакьайла бубад гъенел,
Шад жеда гуьгьуьл.
Виридалай дунъяд винел,
Верц1и я зи чил.
Экъеч1да вун вилик, диде,
Сивел алаз хъвер.
Къалабулух гьатна рик1е,
Жеда вун серсер.
Темен гана, кьада гардан,
Ви чими гъилер...
Гьазур я зун вахъ гуз зи чан,
Зи азиз диде.
Хк1ада зун лап цаварихъ -
Вун зи дава я.
Зун, кумай кьван ви луварик,
Гъвеч1и бала я.
Пара я ви зегьмет, диде, -
Жеч и кьил, а кьил.
Вун къекъвей рекьерал, диде,
Эцигда за кьил.
27.11.16