ДІВОЧКА ІЗ ХУСТА
Она была родом із простого села
Така собі файна і чотка мала
Она была необычна не така гі усі
Она не мала собі руных по красі
Она выростала у прилічнуй сім'ї
Мамка із няньком чистовали її
Жила добре тай собі не бідовала
Що лиш хотіла всьо ото си мала
Її запросы каждый гуд росли без кунця
Лиш на Руздво й на Паску виділа вутця
Гуляла по клубах із своїми цімборками
На гроші зароблені вутцьовыми руками
Послє школы пушла вучитися в медичный
Гі каждый выпускник сиридньостатистичный
Всьож таки Хуст ото є не село ай город
Утікнути з села йсе быв луччый повод
Що ты робиш, дівочко із Хуста?
Де твої колись такі солодкі вуста
Де твоє таке колись файне личко
Що з собов ти натворила медсестричко
Як до сякої жизні ты ся докотила
Ой небого що з собов ты натворила
У тебе в голові лиш одна розпуста
Не чекай бурш нич ай тікай із Хуста!
Добре жити в Хусті тай нич не робити
Беззаботну жізнь сяку як не полюбити?
Каждый вечур п'янкы тай нові тусовкы
Мінят хлопцю беспощадно гі кросовкы
Уповіш одно ми нащо тобі вто надо
Чогось пуйшла вучитися в "Монаду"
Лучче была дома бісь собі сиділа
А не задом перед хлопцями вертіла
Вроді сь із порядної сім'ї й не дура
Но ведеш ся гі ота пуслідня шкура
Не позорь си хуть маттір тай вутця
Бо не змыєш ніґда грязь із лиця
Передумай доку ще не пузно буде
Що про тя в селови вкажуть люди
Що у голові у тебе гі у лопті - пусто..
Будь розумнов дівочков із Хуста!
Автор: Міша Стан, м. Санкт-Петербург (Сонячне), 14 серпня 2016 р.