Хайи ватан ,зин Куьредин
Экуьнин ярар.
Хьанва лугьуз ч1ехи шегьер
Мус хьуй чаз хабар.
Фадлай герек я ваз а т1вар
Вуч бес жезвач чаз
Шумуд йис я ,вун шегьердин
Къайдада аваз.
Шумудни са хуьр акахьна
Хьанва вун еке
Гуьрчег к1валер идараяр
Шегьердин жуьре.
Яашайишдин вири шарт1ар
Вине хьанавай
Куьре-шегьер хьурай вин т1вар
Халкьди ганавай.
Сад-садак акахьна хуьрер
Чир жезмач бине.
Садани,ваз шегьер лугьун
Кьазвачни хиве?
Хкажнава пул Ст1алри
Такабурдиз кьил.
Вин кьуд патахъ эк1ягъ хьанва
Бегьер гузвай чил.
Къайдадик ква фабрик ,завад
Аялрин бахча
Вини дережайринди я
К1елунрин чка.
Гьар са к1вале гьамам,кран
Авахьна физ яд.
Шегьерда хьиз вири ава
Вуч бес жезвач мад.