Гафар лугьуз ,вижевайбур
Сагъ хьуй Чипир хуьревайбур.
Адил ,а вин рик1евайбур
Гьамиша ,шад гьал галаз хьуй.
Ак1 ят1а дуст иер килиг
Кумат1а ,а вахтар вилик.
Гъил ченедик тажни хъуьч1уьк
К1вачик дигай сал галаз хьуй.
Дуьзбур ят1а рик1ин къастар
Дугура на ,вин илчияр.
Шад жедайвал чин кефияр
Къизил,девлет,мал галаз хьуй.
Вегь,ац1ура гин цуькверай.
Жегъир агъура рекьерай.
Къведай ч1авуз а хуьрерай.
Балк1андихъни гьал галаз хьуй.
Гафар дуьзбур я,куьн рахай
Кимел абур къведа атай.
Чахмахдин гум ,цава гьатай
Хуьруьн атир ,ял галаз хьуй.
Ят1ани зул йикъар серин
Чанда чим хьуй ,хиял дерин.
Тариф ийиз лезги чилин
Зулухъ гатун гьал галаз хьуй.
Туп1уз акьахайт1ани цаз
Марвар ат1уз к1ан хьурай ваз.
Рик1ихъни ,вин,чан к1убан яз.
Муьгьуьббатдин т1ал галаз хьуй.
Дагъларин маралар вири
Рушар я лап рик1из чими.
Бурма ч1арар,кифер яргъи
Къвалахъ чими къвал галаз хьуй.
Алатзава зул юкьвалай
Куьруь жезва югъ-йикъалай.
Къвезавай кьуьд,са вацралай
Живедин маргъал галаз хьуй.
Хуьруьк фидай аман адет?
Шиирин мел ,хуш я гьелбет.
Чандизни жедайвал кифет
Кьурай як,хинкал галаз хьуй.
Инсанар бул хьурай к1вале
Акьул авай чипин кьиле.
Гаф элкъуьриз жуьрба-жуьре
Са к1ус къал-макъал галаз хьуй.
Уьтквем рухваяр Ватандин
Хайи чилин Лезгистандин.
Чарчел Гел твазвай инсандин
Мецихъ дидед,ин ч1ал галаз хьуй.