Квадарна вуна зун
Аялдин жибинай аватай пул хьиз.
Йифизни, юкъузни къвекъведа аял,
Жагъурда к1вачера гьатайт1ани т1ал.
Къвекъвенач, анжах вун захъ са юкъузни,
Чк1айт1ан зи гьарай виниз, агъузни.
Квадарна вуна зун
Бадедин гъилерай аватай раб хьиз.
Жагъурда бадеди буьркьуь вилерив,
Къвекъвена кьуд пата вичин гъилерив.
Къвекъвенач анжах вун, захъ гьич къвекъвенач,
Ви мукьув гвайт1ани вун захъ къвекъвенач.